Шоңҡар
-10 °С
Болотло
75 лет Победы
Бөтә яңылыҡтар
Новости
13 Ғинуар , 20:54

Мәктәп уҡыусыларның ҡышҡы каникулы дауам итә

Ҡаланың Иҙелбай урамында ойошторолған сара һәр кемдең күңеленә хуш килде.

Мәктәп уҡыусыларның ҡышҡы каникулы дауам итә

Баймаҡ халыҡ ижады үҙәге коллективы балалар ялын күңелле үткәреүгә үҙ өлөшөн индерә. Ҡаланың Иҙелбай урамында ойошторолған сара һәр кемдең күңеленә хуш килде.

Дәртле йырҙар, балаларҙың шау‐гөр килеп уйнауҙары ҡаланың кәкре ауыл биҫтәһендә йәшәүселәргә тағы ла байрам кәйефе өҫтәне. Әкиәт геройҙары менән бергә төрлө викториналарҙа, шаян конкурстарҙа ҡатнашып, күңелле уйындарҙа көс һынашты улар. өлкәндәр иһә дәртле йырҙарға ҡушылып бейеп‐йырлап күңел асты.

Ҡала үҙәгенән ситтә урынлашҡан биҫтәлә йыл да боҙ ҡаласығы төҙөлә. Бала-саға өсөн был бик уңайлы. Күңел асыу сараһы ла урындағыларҙың ялын файҙалы итеү ойоштороу өсөн уҙғарылды. Был маҡсатта Халыҡ ижады үҙәге автоклубы көс һалды.

Районға бүленгән тәгәрмәсле сәхнә артабан да биҫтәләр һәм ауылдар буйлап йырлы-моңло сәфәрен дауам итәсәк. Саф һауала ял итеү күпкә файҙалыраҡ та, күңеллерәк тә.

Р. Рәхимова.

Сығанаҡ: https://bash.news/bash/news/168882-mektep-ukyusylarnyn-kyshky-kanikuly-dauam-ite

Автор:Айнур Акилов