Йәшәү сифаты яҡшыра

2019-2021 йылдарҙа Башҡортостанда 3 086 социаль әһәмиәтле объект интернетҡа тоташыу мөмкинлеге алған.

Был маҡсатҡа "Һанлы иҡтисад" мили программаһының "Мәғлүмәт инфраструктураһы" федераль проекты сиктәрендә 1.8 млрд һумдан ашыу аҡса йүнәлтелгән.

Атап әйткәндә, интернетҡа 1 761 фельдшер-акушерлыҡ пункты, 968 мәктәп һәм колледж, 199 ауыл биләмәһе хакимиәте, 74 янғын һүндереү часы, 71 мәҙәниәт объекты һәм 13 китапхана тоташтырылған.