Йәшел төҫтө көнсөлдәр ярата

Ҡатын-ҡыҙҙың эске кейеменә ҡарап та уның холҡон билдәләп була, тиҙәр.

Великобритания психологы Барбара Сантини фекеренсә, гүзәл заттарҙың эске кейемдәренең төҫөнә ҡарап, уларҙың холҡона ҡарата ҡылыҡһырлама бирергә мөмкин икән.

Мәҫәлән, ҡара төҫтәгеһен көслө характерлы, ауырлыҡтар алдында бик бирешеп бармаған ҡатын-ҡыҙҙар кейһә, алһыу иһә, киреһенсә, йомшаҡ холоҡлоларға хас. Ҡыҙыл – үтә хисле, ҡыҙыу холоҡлолар өсөн, зәңгәрҙе тыныстар үҙ итә. Ә бына йәшел төҫтәге эске кейемдәрҙе яратыусы гүзәл заттар иһә йыш ҡына икенсе яртыһын көнләшеп йонсой икән.