Үҫмерҙәр өсөн вакцина килтерелде

Башҡортостанға 12-18 йәшлек үҫмерҙәр өсөн 2 800 доза «Спутник М» вакцинаһы килтерелгән. Был турала хөкүмәт вице-премьеры — һаулыҡ һаҡлау министры Максим Забелин хәбәр итте. Үҫмерҙәр өсөн тәғәйенләнгән «Спутник М» препараты «Спутник V» вакцинаһы нигеҙендә, биш тапҡырға еңеләйтеп, эшләнгән. 15 йәшкә тиклемге балаларға прививка ата-әсәләрҙең йәки бәлиғ булмағандарҙың законлы вәкилдәренең ризалығы, балаға 15 йәш тулһа, уның үҙ ризалығы менән эшләнә. Вакцинаны балалар поликлиникаһында йә мәктәптәрҙә һалдырырға мөмкин. Унан алда уҡыусыны мотлаҡ педиатр ҡарай. - Противопоказанием для вакцинации может быть: тяжелые аллергические реакции, которые есть у ребенка, период острых инфекционных и неинфекционных заболеваний, то есть это обострения хронических заболеваний, активная фаза неинфекционного заболевания. Вакцинацию будут проводить спустя 2−4 недели после выздоровления и наступления ремиссии. , — тип белдерҙе Максим Забелин.