Бөрйән бал ҡортона иғтибар арта

“Башинформ” хәбәр итеүенсә, Башҡортостан Республикаһы Милли музейында уникаль күргәҙмә асыла.

 Бөрйән бал ҡортона бағышланған ул. 

Пректтың төп геройы - бал ҡорто. Ул Бөрйән районы өсөн генә түгел, ә барлыҡ республика өсөн символға әйләнде. Брендҡа әйләнгән үҙенсәлегебеҙгә бағышланған был проектты Башҡортостан тәүгеләрҙән  булып ҡабул итә. 

Экспозицияла картиналар, графика, фото һәм скульптура ҡаралған. 

Проекттың авторы - Рәсәйҙең билдәле рәссамы, сәнғәт магистры Евгения Васильева. Уның эштәре Пьер Карден йыйынтыҡтарында (Франция), Татарстан республикаһы, Италия музейҙарында, Швейцария фондында һаҡлана. 

Күргәҙмә 1 февралдә асыласаҡ.

Фото: асыҡ сығанаҡтарҙан.