Тыуған яҡты өйрәнеүселәр Дүртөйлөлә йыйылышты

Билдәле башҡорт сәсәне Фәррәх Дәүләтшиндың тыуған яғы Дүртөйлөлә Башҡорт мәҙәниәте йылы айҡанлы тарихсылар, этнографтар һәм тыуған яҡты өйрәнеүселәр өсөн түңәрәк өҫтәл үтте. Сарала төнъяҡ-көнбайыш башҡорттарының милли кейемдәренең үҙенсәлектәре, ҡайһы бер ауылдар тарихтары һәм урындағы сығанаҡтар табыу мөмкинлектәре ҡаралды.

Төнъяҡ-көнбайыш башҡорттары костюмы үҙенсәлектәре тураһында "Тамға" студияһы етәксеһе (Туймазы ҡалаһы) Зөлфиә Краснова һөйләне. 2020-2021 этнографик экспедицияларында "Тамға" төркөмө Башҡортостандың төнъяҡ-көнбайыш райондарында туплаған материалдар милли кейем реконструкцияһында тотонолдо. 

— Башҡорт милли костюмы биҙәктәре һәм төрлө элементтары кейем һәм интерьер дизайнында тотонола ала. Еңел, һауа үткәреүсән туҡымалар (мәҫәлән - киндер) һаман да актуаль, ә сағыу биҙәктәр кейемгә үҙһенсәлек өҫтәй, — ти Зөлфиә Краснова.

Фото: Газиз Юсупов