Дүрт көнлөк эш аҙнаһына күсәбеҙме?

Рәсәйҙә  "Совкомбанк"  ойошмаһы аҙнаһына дүрт көн эшләүгә күскән. 1 ғинуарҙан өйҙән тороп эшләүсе банк хеҙмәткәрҙәренең бер өлөшө ошо режимда эшләй. Был әлегә хеҙмәткәрҙәрҙең биш процентына ғына ҡағыла икән. Эксперимент уңышлы килеп сыҡһа, аҙнаһына 4 көн генә эшләйәсәк хеҙмәткәрҙәр күпселеген тәшкил итәсәк. Һынауҙа банктың ярҙамсы подразделениелары хеҙмәткәрҙәре ҡатнаша. Бында һүҙ IT-белгестәр, менеджерҙар тураһында бара. Дүрт көнлөк эш аҙнаһын булдырыу мәьсәләһе хеҙмәткәрҙәрҙең эш һөҙөмтәһенә, бурыстарын нисек үтәүҙәренә бәйле буласаҡ. "Совкомбанк" идараһы директоры Анна Кабулова әйтеүенсә, һынау  бер йыл дауам итәсәк. Унда 1 меңгә яҡын хеҙмәткәр ҡатнаша.