Башҡортостанда Туған тел көнөнә ҡарата ике флешмоб иғлан ителде

14 февралдән 21-нә тиклем Республика халыҡ ижады үҙәге Башҡорт теле көнөнә арналған ике мауыҡтырғыс флешмоб уҙғара.

«Моңло ла ул, бай ҙа...» ғаилә ижады флешмобы йыр-моңға маһир ғаиләләрҙе саҡыра. Ҡатнашыу шарттары ябай:

- ата-әсә һәм балалар бергәләп музыкаль сығыш яһап,  видеоға яҙҙыра,

- яҙманы «Бәйләнештә» йә Instagram социаль селтәрендәге сәхифәләренә һала һәм рәсми хештегтар менән билдәләй: #ФлешмобСемейногоТворчества #РЦНТРБУфа #МКРБ #РЦН.

«Тылсымлы һүҙ» онлайн-уйында теләгән һәр кем ҡатнаша ала.

Аҙна дауамында һәр көн ҡатнашыусыларға йомаҡтар тәҡдим ителәсәк. Яуапты табып, һүрәт төшөрөргә һәм, #ВолшебноеСлово #ТылсылмлыҺүҙ #РЦНТРБУфа #МКРБ #РЦНТ хештегын күрһәтеп, социаль селтәргә һалырға кәрәк буласаҡ.

Һөҙөмтәлә барлыҡ уйынсыларҙың һүрәте бер видеоға тупланасаҡ һәм 21 февралдә Республика халыҡ ижады үҙәгенең социаль селтәренә ҡуйыласаҡ.

Тәүге йомаҡты 14 февралдә әйтәсәктәр.