Күҙ йәштәрен тыйып булманы

Конькиҙа фигуралы шыуыу буйынса ҡатын-ҡыҙҙарҙың шәхси беренселегендә Анна Щербакова алтын миҙал яулаһа, көмөштө -  Александра Трусова, ә өсөнсө урынды Япония фигуристкаһы Каори Сакомото алды. Был ярышта беҙҙең спортсылар бөтә призлы урындарҙы яулар тигән өмөттә инек, Камила Вәлиева йәл, уға дүртенсе урын булды... Уның бөтә ерҙән барған баҫымды еңеп сығып тулҡынланып яһаған сығышынан бөтә ил иланы, ә ярышты стадиондың үҙендә ҡараусылар  бөтәһе лә аяҡ үрә баҫып ҡул сапты. Афарин, Камила! Һинең еңеүҙәрең алда әле.  Беҙ һинең менән ғорурланабыҙ.