Камила Вәлиева дәүләт наградаһына лайыҡ

"РБ Спорт" хәбәр итеүенсә, Рәсәй фигуристкаһы Камила Вәлиева Пекиндағы Олимпия уйындары тамамланғандан һуң  дәүләт наградаһына тәҡдим ителәсәк. 

«Камила Вәлиева — фигуралы шыуыуҙа уникаль кеше. Өлкәндәр күтәрә алмаҫлыҡ хис-тойғолар, ауырлыҡ кисерҙе. Бөгөн беҙ спорт министры менән һөйләштек һәм Камила Вәлиева дәүләт наградаһына тәҡдим ителәсәк», — тип белдерҙе Дмитрий Свищев.

РФ Дәүләт думаһының физик культура һәм спорт буйынса комитеты рәйесе билдәләүенсә, Рәсәй хөкүмәте уның менән ғорурлана һәм ҡыҙға төрлө яҡтан ярҙам күрһәтәсәк.