"Ауыл халҡы өсөн ҙур бүләк булды"

Ейәнсура районының Башҡорт Үргене ауылында яңы фельдшер-акушер пункты асылды. Уны төҙөүгә һәм йыһазландырыуға биш миллион һум аҡса бүленгән.

ФАП 938 кешене хеҙмәтләндерә. Ул “Һаулыҡ һаҡлау” милли проектын тормошҡа ашырыу сиктәрендә асылған.

– Яңы фельдшер-акушер пункты асылыу медицина ярҙамы күрһәтеү, ауырыуҙарҙы иҫкәртеү, диспансеризация үткәреү кимәлен күтәрергә булышлыҡ итер. Модулле ФАП ауыл халҡы өсөн ҙур бүләк булды, – ти Иҫәнғол дауаханаһының баш табибы Денис Ғәбәүетдинов.