Ауылдар гөрләй!

Иглин районының Түбәнге Ләмәҙ ауылы мәҙәниәт йортонда «Демография» милли проектының «Халыҡ һаулығын нығытыу» төбәк проекты сиктәрендә «Күрше хаҡы – тәңре хаҡы” конкурс-уйыны уҙғарылды.

“Ағинәйҙәр” ойошмаһы ағзалары “Ҡапҡа төбөндә кис ултырыу” күренеше менән халҡыбыҙҙың онотолоп барған матур ғәҙәттәрен иҫкә төшөрҙө. 

Сараның икенсе өлөшө бәйге рәүешендә барҙы. Күршеләрҙән торған өс команда сослоҡта, йылғырлыҡта, зирәклектә көс һынашты.

Оҫтабикәләрҙең ҡул эштәре, бешергән тәмле ризыҡтары күргәҙмәне йәмләне.