Ямғырҙар әле ялҡытманымы?

Башгидрометүҙәк мәғлүмәттәре буйынса, был аҙнала республика биләмәһендә атмосфера баҫымы түбән була. Һауа торошонда әллә ни үҙгәрештәр көтөлмәй.

17-19 майҙа ямғырҙар тынмай, урыны менән йәшенле, көндөҙ боҙ яуыуы ихтимал. Уртаса һауа температураһы норманан 2-4 градусҡа түбәнерәк. Төндә +2+7 , урыны менән +9, көндөҙ +11,+16 градус булыуы көтөлә. Аҙна һуңында һауа температураһы бер аҙ түбәнәйә, төндә аяҙытҡанда тупраҡ өҫтөндә ҡырау төшөүе мөмкин.