Иҫәнбайҙар «Ҡарға бутҡаһын» үткәрҙе

Илеш районының  Иҫәнбай ауылында «Ҡарға бутҡаһы» уҙҙы. 

Иҫәнбай ауылында бөтәһе 240 йортта 570 кеше йәшәй. Ауылдың үҙенә генә хас йолалары, гөрөф-ғәҙәте, байрамдары бар. Күрше-күлән элек- электән унда дуҫ-татыу йәшәүе менән айырыла, күмәк ҡул талап ителгән эштәрҙе өмә йәки ҡулалмаш башҡарырға күнеккәндәр.

"Ҡарға бутҡа"һын да һәр ваҡыт тирә-яҡтағыларҙы ҡунаҡҡа саҡырып үткәреүҙе матур ғәҙәткә әйләндергәндәр. Был юлы ла күрше ауылдарҙың үҙешсән сәнғәт оҫталары килгән ине.