Был ниндәй йәшел аш ул?

Халыҡ ижады һәм Рәсәй халыҡтарының матди булмаған мәҙәни мираҫы йылы сиктәрендә Ишембай районы Ҡыяуыҡ ауыл клубында "Шифалы үләндәр" исемле сара утте.

Улар дәртләнешеп балтырған ашы бешереп, ҡуҙ самауыр ҡайнатҡан. 

"Бер йыйылып һөйләшеп ултырыу, үҙе бер ғүмер, шулай бит! Апайҙар тәмле-татлы ризыктарын бешереп, һөт, ҡаймағын, хатта әсе ҡатығын дә алып килергә онотмағандар. Үҙебеҙсә шартына еткереп табын ҡороп, уйлаған уйзарыбыҙҙы эшләп ҡуйҙыҡ.

Балтырған ашы туҡлыҡлы, ә төрлө үләндәр һалып бешерелгән самауыр сәйе бигерәк тә тәмле булды", — тиҙәр ҡыяуыҡтар.