Башҡортостанда көндәрҙең һалҡынса тороуына ҡарамаҫтан, кисә көндөҙ Йылайыр районында янғын сыҡҡан. Рәсәй Ғәҙәттән тыш хәлдәр министрлығының республика буйынса баш идаралығы хәбәр итеүенсә, Йылайыр ауылынан 6 саҡрым алыҫлыҡта урман янған.

Утты һүндереүгә 24 кеше һәм 7 берәмк махсус техника йәлеп ителгән. Киске 8-се яртыла 5,8 гектар майҙанда янғын һүндерелгән. Зыян күреүселәр юҡ.