Һауа торошо боҙолормо?

Башгидромет синоптиктары алдағы көндәрҙә республикала һауа торошоноң боҙолоуы хаҡында хәбәр итте.

Бөгөн, 29 октябрҙә, көндөҙ урыны менән бер аҙ ҡар ҡатыш ямғыр яуа. Ел көньяҡтан талғын. Һауа температураһы төндә -2,-7°, аяҙытҡанда -12° градусҡаса һалҡын. Көндөҙ -1+4° градус.

Йәкшәмбе, 30 октябрҙә, төндә Башҡортостандың төньяҡ-көнбайышында бер аҙ епшек ҡар яуа. Көндөҙ бер аҙ ямғыр һәм епшек ҡар яуыуы көтөлә. Ел көньяҡтан талғын, көндөҙ айырым райондарҙа көсәйеүсән. Төндә 0,-5°, көньяҡ-көнсығышта -10° градусҡа тиклем. Көндөҙ термометр бағанаһы -1+4 градус күрһәтәсәк.