Йылайырҙа иң шәп өләсәй билдәләнде

Йылайыр ауылы мәҙәниәт йортонда "Супер өләсәй" тип исемләнгән район конкурсы уҙҙы. Унда төрлө ауылдарҙан 13 иң шәп өләсәй һынау тотто. Ҡайһыһының өләсәйлек стажы 20 йылға яҡын булһа, кемдер яңы-яңы был статусҡа эйә булған. Кемеһелер инде 6-7 балаға өләсәй булһа, кемеһелер тәүге ейәнен һөйөнөп туя алмай.

Тәүге ярышта өләсәйҙәр үҙҙәре менән таныштырҙы. Һәр кем үҙе, ғаиләһе, ейән-ейәнсәрҙәре тураһында һөйләне, слайд-шоу, видео тәҡдим итте.Икенсе конкурста һәр кемеһе үҙ маһирлығын күрһәтте: бейенеләр, йырланылар, шиғырҙар һөйләнеләр, ейән-ейәнсәрҙәре менән дә сығыш яһаусылар булды.

Еңеүсе тип Йомағужа ауылынан Фәриғә Аҡҡужина табылды.