Тимур һымаҡтар барҙа...

Хәйбулла районынан ялға ҡайтҡан яугир кескәйҙәргә уйынсыҡтар бүләк иткән

Был хаҡта Хәйбулла районы хакимиәте башлығының социаль мәсьәләләр буйынса урынбаҫары Роза Рәсембәтова социаль селтәрҙәге сәхифәһендә хәбәр иткән.

"Тимур ауылдашым мобилизацияланғас, хатта бошондом - эскерһеҙ, изге күңелле кешегә ҡыйын булыр инде яу яланында, тип. Хәҙер ғорурланам. Янындағы егеттәр хөрмәт итә, батырлыҡтары өсөн ике миҙал менән бүләкләнде. Ә бөгөн отпускыға ҡайтҡан Тимур ауылдағы балалар баҡсаһына уйынсыҡтар алып бүләк иткән тигәстәр, күҙгә йәш тығылды. Илгә һынау килгәндә һынала инде кеше - кемдең кемлеге асыла. Тимур һымаҡтар барҙа Еңеү беҙҙең яҡта булыр! Иҫән-һау йөрө, ауылдаш!" -тип яҙған Роза Раузат ҡыҙы.