Мөмкинлектәре сикләнһә лә, хоҡуҡтары сикләнмәгән

Бөгөн, Берҙәм тауыш биреү көнөндә, Башҡортостанда республика Дәүләт Йыйылышы - Ҡоролтайға һәм урындағы үҙидараның вәкиллекле органдарына - ҡала округтары, ҡала һәм ауыл биләмәләре Советтарына һайлауҙар үтә.

Аҙ мобилле граждандарҙың тауыш биреүе өсөн барлыҡ уңайлыҡтар булдырылған. Насар күргәндәр өсөн участкаларҙа лупалар, өҫтәлмә яҡтылыҡ ҡуйылған. Бөтөнләй күрмәгәндәр өсөн 5 махсус һайлау участкаһы эшләй. Уларға урындарҙа ирекмәндәр ярҙам итәсәк.

1600 участкала пандустар ҡуйылған. Республика участкаларының 89 проценты 1-се ҡатта урынлашҡан.

Аҙ мобилле граждандар өйҙә тауыш бирә ала. Бының өсөн теркәлгән һайлау участкаһына 15.00 сәғәткә шылтыратырға кәрәк.

Ҡарттар йортонда, психоневрология үҙәктәрендә махсус маршруттар һәм урында һайлау мөмкинлеге булдырылған.