Миллиондан ашыу кеше тауыш биргән

Башҡортостандың Үҙәк һайлау комиссияһы рәйесе урынбаҫары Марат Ғәҙелов баш ҡаланың «Һайлау - 2023» йәмәғәт матбуғат үҙәгенә хәбәр итеүенсә,  18.00 сәғәткә республикала тауыш биреүселәрҙең 40,6 проценты гражданлыҡ бурысын үтәгән. Был  миллиондан ашыу кеше тауыш биргән тигәнде аңлата. Ҡалалар араһында - Сибай, Стәрлетамаҡ, райондар араһында Баҡалы, Тәтешле, Борай  райондары иң әүҙемдәр тип табылды. Ә бына Өфө һәм  Иглин районында һайлаусылар һүлпән йөрөй.

Хәтерегеҙгә төшөрәбеҙ, Һайлау, тауыш биреү буйынса һорауҙар тыуһа, ҡыҙыу линияға шылтыратырға була. Телефон һандары - +7 (347) 218-16-84