Шоңҡар
-26 °С
Болотло
75 лет Победы
Бөтә яңылыҡтар
Новости
19 Декабрь 2023, 11:31

"Ғаиләне һәм уның ҡиммәттәрен яҡлау — мөһим бурысыбыҙ"

Бөгөн Башҡортостан Башлығы Радий Хәбиров республика Дәүләт Йыйылышы – Ҡоролтайға йыллыҡ Мөрәжәғәтнамә менән сығыш яһаны.  

"Ғаиләне һәм уның ҡиммәттәрен яҡлау — мөһим бурысыбыҙ"
"Ғаиләне һәм уның ҡиммәттәрен яҡлау — мөһим бурысыбыҙ"

«Башҡортостан халҡының яуаплы хеҙмәте, берҙәмлеге менән уҙып барған йыл, хатта ҡатмарлы  шарттарҙа ла, беҙҙең өсөн уңышлы булды. Уның төп йомғаҡтарына туҡталам», — тине Радий Хәбиров республика Дәүләт Йыйылышына мөрәжәғәтендә.

«Кешеләргә бик яҡын һәм мөһим булған социаль өлкәнән башлайым. Тәү сиратта, демографиянан.

Ил президенты киләһе йылды Ғаилә йылы тип иғлан итте. Был йәнә бер тапҡыр ғаилә ҡиммәттәрен нығытыу, ғаиләне, әсәлекте, атайлыҡты һәм балалыҡты яҡлауҙың беҙҙең өсөн өҫтөнлөккә эйә булыуы хаҡында һөйләй.

10 йылда республикала ишле ғаиләләр 59 меңгә тиклем (27,4%) артҡан. Уларҙың һаны буйынса беҙ  Волга буйы федераль округында — беренсе, ә Рәсәйҙә етенсе урынды биләйбеҙ. Беҙҙә тыуым кимәле (бер меңгә 8,9) ил (8,7) һәм округ (8,2) буйынса уртаса күрһәткестәрҙән юғарыраҡ. 230 меңдән ашыу балалы ғаилә льготалар менән файҙалана. Бала тыуыуға һәм тәрбиәләүгә бәйле айлыҡ пособие түләү өсөн быйыл 25 миллиард һумдан ашыу аҡса йүнәлттек. Ишле ғаиләләрҙә тәрбиәләнгән 2,5 мең егет-ҡыҙ өсөн колледждарҙа түләүле көндөҙгө уҡыу хаҡын компенсациялай башланыҡ», — тине Радий Хәбиров.

https://www.bashinform.ru/

Автор:
Читайте нас в