Машинаһы менән икмәкханаға килеп ингән!

13 февраль иртәһендә «Хендай» автомобиле Өфөнөң Затон биҫтәһендәге икмәкханаға килеп ингән. «Моя Уфа» телеграм-каналы хәбәр итеүенсә, рулдәге ҡатын-ҡыҙ педалдәрҙе бутап, газға баҫҡан. Хәҙер инде водитель бинаға ҡиммәтле ремонт яһарға тейеш.

ЮХХДИ хеҙмәткәрҙәре ваҡиға сәбәптәрен асыҡлай. 

«Бөгөн иртән Өфө дәүләт автоинспекцияһы юл-патруль хеҙмәте полкының дежур бүлегенә Затон биҫтәһендә юл-транспорт ваҡиғаһы тураһында хәбәр килде. Яҡынса мәғлүмәттәр буйынса, «Хендай Крета» водителе Әхмәтов урамында урынлашҡан бинаға бәрелгән. Юл фажиғәһендә бер кем дә зыян күрмәгән», - тип белдерҙеләр баш ҡала дәүләт автоинспекцияһының матбуғат хеҙмәтендә.

https://www.bashinform.ru/

Фото:«Моя Уфа» телеграм-каналы