Рәсәйҙә "Ғаилә" милли проекты буласаҡ

Был хаҡта Рәсәй Президенты Владимир Путиндың сираттағы мөрәжәғәтнамәһендә әйтте.

“Ғаилә” милли проекты балалар һанын арттырыуға йүнәтелә.

“Рәсәй төбәктәре балалы ғаиләләргә ярҙам итеү буйынса төрлө саралар булдырған. Балалар тыуымы урта күрһәткестән түбән булған төбәктәргә ярҙам итергә тәҡдим итәм. 2023 йылға тиклем шундай төбәктәргә 75 млрд һум бүләбеҙ, - тине Владимир Путин. — Күп балалы ғаиләләрҙең 30 проценты ярлы. 2030 йылға хәтлем был һанды 12 процентҡа тиклем булһа ла төшөрөргә кәрәк. Ябай булмаған мәсьәлә. Сараларҙың эффектив булыуы мөһим”.