"Тәүгеләрҙән булып өлкән йәштәгеләр килә"

Һайлау участкаларында йәмәғәт күҙәтеүселәр эшләй.

"Рәсәй Президентын һайлау -2024" йәмәғәт матбуғат үҙәгендә йәмәғәт күҙәтеүселәре менән тура бәйләнешкә сыҡтылар.

Йәмәғәт штабы етәксеһе Лилиә Исәргәкова белдереүенсә, һайлауға иң тәүгеләрҙән булып өлкән йәштәгеләр килә  икән.  Ҡайһы бер ҡалаларҙа хатта сират та барлыҡҡа килгән.

Әлиә Хасаева -  3076-сы һанлы һайлау участкаһында йәмәғәт күҙәтеүсеһе. Уның һүҙҙәренсә, участкала тәүге сәғәттә йөҙҙән ашыу кеше тауыш биреп өлгөргән.

- тыуыш биреүселәр өсөн барлыҡ шарттар тыуҙырылған. Мәҫәлән, һаулыҡ мөмкинлектәре сикләнгән кешеләр өсөн өйҙән тауыш биреү мөмкинлеге бар, - ти Әлиә Хасаева. - Тағы ла башҡа төрлө саралар ойошторола. Шулай, иң йәш, иң өлкән тауыш биреүселәрҙе билдәләргә иҫәп тотабыҙ.

Хәтерегеҙгә төшөрәбеҙ, 15 мартта Рәсәй Федерацияһы Президентын һайлау башланды. Тауыш биреү өс көн дауамында - 15, 16, 17 мартта барасаҡ.