Үлемесле авария ирҙең ғүмерен өҙгән

Башҡортостан трассаһында 44 йәшлек ирҙең ғүмерен өҙгән үлемесле авария теркәлгән. Дөртөйлө районында Салпар ауылы эргәһендә булған был фажиғә. Toyota Prius водителе ҡаршы һыҙатҡа сығып FAW фураһына бәрелә. Бәрелеш һөҙөмтәһендә алған ауыр йәрәхәттәрҙән еңел автомобилдә йөрөгән ир урында уҡ һәләк була. Асыҡланыуынса, йөк машинаһы водителе зыян күрмәгән. Ваҡиға буйынса тикшереүҙәр бара.