Өфөлә 13 йәшлек ҡыҙ юғалған

Өфөлә 13 йәшлек ҡыҙҙы эҙләйҙәр. Был хаҡта «БашРегионСпас» активистары һөйләне. Бәлиғ булмаған ҡыҙҙы кисәге көндән үк эҙләйҙәр. Хәбәр ителеүенсә, ул өйөнән билдәһеҙ йүнәлештә сығып китә һәм әлегә тиклем әйләнеп ҡайтмай. Ҡыҙҙың билдәләре: уның буйы 165 сантиметр, уртаса кәүҙәле, һоро күҙле һәм ҡара сәсле. Ул оҙон ҡара пальто, ҡара-аҡ күҙәнәкле салбар һәм аяҡ кейеме кейгән.

Активистар үҙҙәренең баҫмаһында ҡыҙҙы эҙләүҙә ирекмәндәрҙең ярҙамы кәрәклеген билдәләй.