Күп балалы ғәиләнең йорто янған

Мәләүез районында янғын күп балалы ғаиләнең йортон юҡ итте, тип хәбәр иттеләр Ғәҙәттән тыш хәлдәр министрлығы.

Янғын бөгөн Мәләүез районының Айтуған ауылында сыҡҡан. Стена һәм түшәм, ә һуңыраҡ йортҡа төкәтмә итеп төҙөлгән таҡталы веранданың ҡыйығы яна. Ут тиҙ арала йорттоң торлаҡ өлөшөнә тарала башлай. Янғын ваҡытында йортта 6-15 йәшлек дүрт бала һәм уларҙың ата-әсәләре була. Атаһы, шиферҙың көслө шыбырлауын ишетеп, верандаға сыға һәм ут күрә. Ул өйҙән сығып йүгерә, балалары һәм ҡатыны йоҡлаған тәҙрәне вата. Барыһы ла имен-аман өйҙән сыға алды, зыян күреүселәр юҡ», — тип хәбәр итә ҡотҡарыусылар.

Рәсәй Ғәҙәттән тыш хәлдәр министрлығының янғын һүндереүселәре һәм ирекмәндәр янған бүрәнә йортто һүндерә. Янғын майҙаны 40 квадрат метр тәшкил итә. Ғаилә ваҡытлыса туғандары янында йәшәйәсәк. Янғындың сәбәбе асыҡлана.

Янғын булдырмау сараларын күрәйек, үҙебеҙҙе һаҡлайыҡ!