Сибай ҡалаһында үлемесле авария теркәлде

Бөгөн көндөҙ Сибайҙа, Белов урамында 70 йәшлек водитель «Лада Калина» руле артында, фаразлауҙар буйынса, боролошта ҡаршы һыҙатҡа сыға һәм «Ниссан Террано» менән бәрелешә. Водитель ашығыс медицина ярҙамы килгәнгә тиклем вафат булды.

Фажиғә урынында Дәүләт Автоинспекцияһы һәм башҡа ашығыс хеҙмәттәр эшләй. Был хәл тураһында тулыраҡ мәғлүмәт асыҡлана, тип билдәләнеләр ведомствола.