Ҡот осҡос авария

Иглин районында хеҙмәткәрҙәр ике кеше һәләк булған юл фажиғәһенең сәбәптәрен асыҡлай.

Бөгөн м-5 «Урал» автомобиль юлының 1537-се саҡрымында үлемесле авария булған, тип хәбәр ителә Республиканың Дәүләт автоинспекцияһы Телеграм каналында.

Яҡынса мәғлүмәттәр буйынса, 63 йәшлек водитель «Лада Веста» автомобилендә Nissan X-Trail менән бәрелешкән. Юл-транспорт ваҡиғаһы һөҙөмтәһендә ике водитель дә алған йәрәхәттәренән ашығыс медицина ярҙамы килгәнгә тиклем вафат була.

Сит ил автомобиле пассажиры төрлө йәрәхәттәр менән дауаханаға оҙатылған.

Урында Ғәҙәттән тыш хәлдәр министрлығы хеҙмәткәрҙәре эшләй. Юл фажиғәһенең сәбәптәре асыҡлана.