Тәҙрәнән йәш ярымлыҡ сабый ҡолап төшкән

Өфөлә икенсе ҡаттағы тәҙрәнән йәш ярымлыҡ сабый ҡолап төшкән, тип хәбәр итә граждандарҙы яҡлау идаралығының матбуғат хеҙмәте.

Инцидент кисә кискеһен Өфөнөң Пекин урамы, 14 адресы буйынса булған. Малайҙы дауаханаға оҙаталар. Ваҡиғаның сәбәптәре һәм шарттары асыҡлана.

Балаларҙы тәҙрәләре асыҡ бүлмәлә яңғыҙ ҡалдырырға, шулай уҡ хатта бәләкәй баланың ауырлығын күтәрә алмаҫлыҡ серәкәй селтәренә өмөт итергә ярамай.