Бәләбәй районында ҡурҡыныс янғын сыҡты

Бөгөн Бәләбәй районының Ыҫлаҡбаш ауылында янғында бер йәшлек сабый һәләк булған.

Янғын тураһында сигнал киске сәғәт биштә килгән. Урынға килгән тәүге янғын һүндереүселәр баланы аңһыҙ хәлдә өйҙән алып сыға. Табиптар уның үлемен раҫлай.

Фажиғәнең сәбәбе асыҡлана. Ғаиләнең күп балалы булыуы билдәле, тағы ла ике бала күршеләрҙә булған, тип хәбәр иттеләр.