21 йәшлек егет батҡан

Кисә Борай районының Ҡуҙбай ауылы эргәһендәге Тере Танып йылғаһында 21 йәшлек егет һыуға батып үлгән.

Ул кисә кис дуҫтары менән һыу инергә барған булған. Егет һыуға сумған да кире сыға алмаған. Уның дуҫтары 112-се хеҙмәткә шылтыратҡан, бөгөн генә водолаздар һәләк булған егеттең кәүҙәһен тапты, тип хәбәр иттеләр Ғәҙәттән тыш хәлдәр буйынса дәүләт комитетынан.