Ямғырлы ялдар килә

Алдағы ял көндәрендә Башҡортостанда ямғырлы һауа торошо көтөлә, ҡайһы бер райондарҙа йәшен буласаҡ, урыны менән боҙ-борсаҡ яуасаҡ. Был хаҡта Башгидрометүҙәк хәбәр итә.

Йома, 19 июлдә, республикала урыны менән ҡыҫҡа ваҡытлы ямғыр яуыуы, йәшен йәшнәүе, айырым райондарҙа боҙ-борсаҡ яуыуы ихтимал. Ел төньяҡ-көнбайыштан, төньяҡтан, талғын, йәшен ваҡытында көсәйеүсән. Һауа температураһы көндөҙ +22+27 градус күрһәтәсәк.

Шәмбе, 20 июлдә, һауа торошо үҙгәрмәйәсәк. Урыны менән ҡыҫҡа ваҡытлы ямғыр яуыуы көтөлә, ел төньяҡ сиректә, талғын. Һауа температураһы төндә +12...+17 градус тәшкил итәсәк, көндөҙ термометр бағанаһы +22 +27гә тиклем күтәреләсәк. Синоптиктар 21 июлгә лә шундай уҡ фараз яһай. Был көндө йәшен йәшнәү ихтималлығы арта.