Ямғырҙар туҡтармы?

Алдағы өс көндә республикала ямғырлы һауа торошо һаҡланасаҡ, тип хәбәр иттеләр Башгидрометтан.

Синоптиктар мәғлүмәте буйынса, бөгөн Башҡортостанда ямғыр яуа, ҡайһы бер райондарҙа йәшен йәшнәй. Ел көньяҡтан, көньяҡ-көнбайыштан талғын, көндөҙ урыны менән көсәйеүсән. Һауа температураһы көндөҙ +17, +22 градус.

Шишәмбе, 13 августа, йәнә ямғыр яуасаҡ, ҡайһы бер райондарҙа йәшен йәшнәйәсәк. Ел көньяҡ-көнбайыштан, көнбайыштан талғын, урыны менән көсәйеүсән. Һауа температураһы төндә +9, +14, көндөҙ +15, +20.

Шаршамбы, 14 августа, һауа торошо үҙгәрмәйәсәк. Шулай уҡ ямғыр, ҡайһы бер райондарҙа йәшен йәшнәүе көтөлә. Ел көньяҡ-көнбайыштан, көнбайыштан талғын, урыны менән көсәйеүсән. Һауа температураһы төндә +9, +14, көндөҙ +15, +20.