Көндәр ҡасан йылытыр?

Алдағы өс көндә ямғырлы һауа торошо һаҡланасаҡ, тип хәбәр иттеләр Башгидрометтан.

Синоптиктар хәбәр итеүенсә, бөгөн республикала йәнә ямғыр яуасаҡ. Ҡайһы бер райондарҙа йәшен йәшнәүе ихтимал. Ел төньяҡ-көнбайыштан талғын, урыны менән көсәйеүсән. Һауа температураһы көндөҙ +14, +19 градус.

Кесаҙна, 15 августа, ҡыҫҡа ваҡытлы ямғыр яуыуы, айырым райондарҙа йәшен йәшнәүе көтөлә. Ел көнбайыштан, төньяҡ-көнбайыштан талғын, урыны менән көсәйеүсән. Һауа температураһы төндә +8, +13, көндөҙ +13, +18.

Йома, 16 августа, һауа торошо үҙгәрмәйәсәк. Ҡыҫҡа ваҡытлы ямғырҙар, ҡайһы бер райондарҙа йәшен. Ел көнбайыштан, төньяҡ-көнбайыштан талғын, урыны менән көсәйеүсән. Һауа температураһы төндә +8, +13, көндөҙ +13, +18.