Йәнә авария, йәнә ҡорбан

Бөгөн төнгө сәғәт өстәр тирәһендә Мәләүез районында үлемесле авария булған. 50 йәшлек ир Термобудка газелендә ҡаршы килгән "Ман" йөк машинаһы менән бәрелешкән. Ҡыҙғанысҡа ҡаршы, йөк машинаһы водителе ашығыс медицина ярҙамы килгәнсе вафат булған. Газель водителе һәм уның 38 йәшлек пассажиры төрлө тән йәрәхәттәре менән дауаханаға оҙатылған. Әлеге ваҡытта тикшереү эштәре бара.

Юлдарҙа һаҡ булығыҙ! Ҡағиҙәләрҙе, зинһар, теүәл үтәгеҙ!