Бер тәүлектә ике кеше батҡан

Республикала тәүлек эсендә һыуҙа ике фажиғә булған. Миәкә районындағы Күл-Ҡуңҡаҫ күлендә ҡотҡарыусылар 50 йәшлек балыҡсыны һыуҙан сығарған. Нуриман районының Өфө йылғаһында ике ир балыҡ тотҡанда ҡаянан ҡолап төшкән. Яҡында булған кешеләр берәүһен ҡотҡарып сығарған. Икенсе 54 йәшлек ирҙе, ҡыҙғанысҡа ҡаршы, ҡотҡарып өлгөрмәгәндәр. Хәҙер ике осраҡ буйынса ла оператив-тикшереү саралары үткәрелә.