Бөгөн төндә авария булған

Бөгөн төнгө ике тирәһендә Благовещен – Павловка юлында ҡурҡыныс авария булған.

Павловка ауылынан Благовещен ҡалаһы йүнәлешендә килгән “ВАЗ-2014” автомобиле юлдан ситкә ауған. Руль артында 21 йәшлек водитель булған.

Ике пассажир – 27 йәшлек ҡатын һәм 57 йәшлек ир ашығыс медицина ярҙамы килгәнсе вафат булған. Водитель үҙе һәм 26 йәшлек пассажир төрлө йәрәхәттәр менән дауаханаға оҙатылған.

Юлдарҙа, зинһар, һаҡ булығыҙ!