«Рәхмәт-2024» акцияһында ҡатнашаһығыҙмы?

"Башҡортостан Башлығын һайлау -2024" йәмәғәт матбуғат үҙәгендә "Рәхмәт-2024" акцияһының ойоштороу комитеты ағзаһы Римма Бикмырҙина тәүге көн һөҙөмтәләре тураһында һөйләне.

Һайлауҙың тәүге көнөндә 65 бүләк уйнатылған.  Бүләктәр араһында квадроцикл, телевизор, ноутбук, питбайк, телефон булған.

— Телефонды, мәҫәлән, быйыл тәүге тапҡыр тауыш биргән егет отто. Бүләкте ышаныр-ышанмаҫ ҡына килеп алды. Техниканың характеристикаһын күргәс, ныҡ ҡына ҡыуанды, — тип һөйләне Римма Бикмырҙина.

«Рәхмәт-2024» акцияһы буйынса ҡыҙыҡһындырған һорауҙарҙы колл-үҙәккә шылтыратып бирергә мөмкин: 8-927-333-45-22.

Бүләк уйнатыу дауам итә:

7 сентябрҙә — көндөҙгө сәғәт 2-лә һәм киске 8-ҙә,

8 сентябрҙә иһә көндөҙгө 2-лә яңы бүләк эйәләре билдәде буласаҡ.

13 сентябрҙә төп приздар уйнатыласаҡ.

Ә йәкшәмбе, 8 сентябрҙә, тәүге тапҡыр «Бүләктәр төнө» ойошторола, унда бер юлы 130-ҙан ашыу бүләк оторға мөмкин.