Депутат ҡатын-ҡыҙ хоҡуҡтарын яҡлай

Дәүләт Думаһы депутаты Игорь Антропенко Рәсәйҙә йәшәүсе гүзәл заттарҙың эш көнөн бер сәғәткә ҡыҫҡартырға тәҡдим итә. Уның фекеренсә, өйҙә уларҙы тағы бер сменалыҡ эш көтә. Ә бәләкәс балалары булған гүзәл заттар кистәрен бишкә ярылырҙай була. Өйгә эштәрен эшләргә ярҙам итеү, түңәрәктәргә йөрөтөү - быларҙың барыһы ла ваҡыт һәм көс талап итә. 

Тик Рәсәй халҡы депутат фекере менән ризалашып бөтмәй. Сөнки эш сәғәте менән бергә эш хаҡы ла ҡыҫҡарасаҡ, тиҙәр. Былай ҙа халыҡ осон-осҡа ялғап, ике-өс эштә эшләргә мәжбүр. 

Фото интернет селтәренән алынды.