"Башҡортостанға килеүемә һәр ваҡыт шатмын!"

БАССР-ҙың халыҡ рәссамы Сосланбәк Тавасиевтың ейәне Ростан Тавасиев Бөтә донъя башҡорттары ҡоролтайының VI съезы ҡунағы. Ростан Тавасиев үҙенең тәьҫораттары менән уртаҡлашты. 

 - Ҡартатайымдың исемен онотмауҙарына сикһеҙ шатмын. Бөтә донъя башҡорттары ҡоролтайы тарафынан булдырылған Сосланбәк Тавасиев исемендәге йәмәғәт премияһын тапшырыуҙа ҡатнашыу минең өсөн оло әһәмиәткә эйә. Башҡортостанда мин беренсегә түгел, бында килеүемә һәр ваҡыт шатмын, тағы ла киләм әле,  - тине Ростан Тавасиев. 

Тағы ла Ростан Тавасиев Салауат Юлаев һәйкәлен реконструкциялау тураһында фекере менән уртаҡлашты.

 - Был осраҡта белгестәрҙе тыңлау иң дөрөҫөлөр, тип уйлайым. Табиптар ҡуйған диагнозға ышанған кеүек үк был һорауҙа ла мин тик белгестәргә таянам, - тине ул.