Шәкәр ни хаҡ?

Социаль селтәрҙәге сәхифәһендә ул шәкәрҙе фасовкалау һәм уны сауҙа селтәрҙәренә килтереү менән «Башбакалея» предприятиеһы шөғөлләнеүе тураһында хәбәр итте. Ул тауарҙы урындағы етештереүселәрҙән һатып ала.

- «Байрам» 80,50-дән шәкәр һата, - тине Андрей Назаров һәм бөгөн федераль һәм төбәк сауҙа селтәрҙәренә ингән бер нисә сауҙа нөктәһе буйынса йөрөп сыҡтым, тип хәбәр итте. Ул тауарҙың барлығын тикшерҙе һәм  шәкәрҙең ниндәй хаҡҡа һатылыуы менән танышты. Хаҡтар, магазинға ҡарап, 74 һумдан 92 һумға тиклем тирбәлә, бер аҙна элек  килограмын 65 һумдан алырға мөмкин ине.

- Беҙҙең сауҙа селтәрҙәрендә ул минималь өҫтәмә хаҡ менән һатыла, был хаҡта етештереүселәребеҙ һәм республика селтәр ритейлы һөйләшеп килеште, - тине төбәк хөкүмәте етәксеһе һәм магазиндарҙың береһендә тауарға хаҡтарҙың булмауына асыуланды. 

Республика шәкәр етештереүсеһе эске баҙарҙа киң күрһәтелергә тейеш, тип билдәләне Башҡортостан Хөкүмәте башлығы. Һәм бының үтәлеүен өҫтәне, БР Сауҙа һәм хеҙмәттәр министрлығына һәм Ауыл хужалығы министрлығына махсус йөкләмә бирҙе.

Телеграмм-каналда Башҡортостан Хөкүмәте премьер-министры сауҙа нөктәләре буйлап рейдтан фотолар ғына түгел, шулай уҡ Башҡортостан  сауҙа һәм хеҙмәттәр министры Алексей Гусев менән бергә бер магазинда шәкәргә хаҡтарҙы ентекле өйрәнеү видеоһын да һалды.