Льготалы ипотека буйынса ставканы кәметергә кәрәк

Льготалы ипотека буйынса ставка Рәсәй иҡтисадының тотороҡланыуы фонында кәмергә тейеш. Был хаҡта 25 апрелдә иҡтисади мәсьәләләр буйынса кәңәшмәлә Рәсәй президенты Владимир Путин белдерҙе.

«Льготалы ипотека буйынса ставканы йылына 9 процентҡа тиклем кәметергә тәҡдим итәм», - тип белдерҙе Путин.

«Ысынлап та, ставканы урынлаштырғанға күптә үтмәне, әммә хәл ыңғай һәм беҙгә кәметергә мөмкинлек бирә. Шулай уҡ был льготаны йыл аҙағына тиклем оҙайтырға кәрәк», - тип өҫтәне ул.