Яңы министр ҡуйҙылар

Айрат Рәхмәтуллин 1987 йылдың 18 февралендә Бөрө районының Үгеҙ ауылында тыуған. Башҡорт дәүләт медицина университетын тамамлаған.

Хеҙмәт эшмәкәрлеген 2009 йылда Өфө ҡалаһы һуғыш ветерандары госпиталендә медбрат булып башлай. Артабан Республика клиник дауаханаһының табип-неврологы, Һаулыҡ һаҡлау министрлығы бүлектәренең төп белгесе, Дүртөйлө үҙәк район дауаханаһы урынбаҫары һәм баш табибы булып эшләй.

Министр вазифаһына тәғәйенләнгәнсе ике йыл дауамында 18-се ҡала клиник дауаханаһын етәкләй.