19 июлдән - "ҡоро закон"

Башҡортостан Башлығы Радий Хәбиров Көйөргәҙе районының Яҡут ауылы биләмәһендә “ҡоро закон” тураһындағы законға ҡул ҡуйҙы. Документ 19 июлдән көсөнә инә. Ҡанун Дәүләт Йыйылышы-Ҡоролтайҙың яҙғы сессияһын йомғаҡлау ултырышында ҡабул ителгәйне. Республикала айырым биләмәлә спиртлы эсемлектәр һатыуҙы тыйыу тураһындағы тәҡдим беренсе тапҡыр законлаштырыла. Айырым биләмәлә алкоголһеҙ зона булдырыу әлегә һынау рәүешендә була.