Тирлән ауылы сәнғәт мәктәбе уҡыусылары тәүге тапҡыр бас-гитарала уйнаясаҡ

Белорет районы Тирлән ауылының балалар сәнғәт мәктәбе «Мәҙәниәт» милли проектының «Мәҙәни мөхит» федераль проекты буйынса биш миллион һумға ҡорамалдар, музыка ҡоралдары һәм уҡыу материалдары алды, тип хәбәр итә Башҡортостандың Мәҙәниәт министрлығы.

Һынлы сәнғәт класында ҡом менән һүрәт төшөрөү өсөн яҡтылыҡ өҫтәлдәре, скульптор өҫтәлдәре, муфель мейесе, ҡоштар һәм хайуандарҙың ҡарасы, яңы мольберттар, витриналар барлыҡҡа килде.

- Беҙҙә бер ҡасан да ҡом-яҡтылыҡ өҫтәлдәре булманы, хатта өлкәндәргә лә уларға һүрәт төшөрөү ҡыҙыҡлы. Ике йыл элек гитара класын астыҡ, һәм беҙҙә ни бары ике инструмент бар ине, ә хәҙер балаларҙың ижади үҫеше өсөн мөмкинлектәрҙе киңәйтеү өсөн тағы ла бер нисә гитара һәм бас-гитара һатып алдыҡ. Улар үҙ төркөмдәрен ойоштора ала, - ти һөйләне "Тирлән" балала директоры Наталья Накарякова.

Шулай уҡ мәктәпкә башҡорт милли уйын ҡоралдары - ҡурай менән ҡумыҙ килде. Балалар сәнғәт мәктәбе етәкселеге ваҡыт үтеү менән был ҡоралдарҙа уйнарға профессиональ әҙерлек буйынса кластар асырға теләй.