Республикала «Ата-әсә ҡаһарманлығы» миҙалын алыусылар исемлеге киңәйтелде

Башҡортостанда «Ата-әсә ҡаһарманлығы» наградаһы тураһында положениеға төҙәтмәләр индерелде. Тейешле указға 8 августа республика етәксеһе Радий Хәбиров ҡул ҡуйған.

Хәҙер патронат тәрбиәселәр ҙә миҙалға һәм бер тапҡыр бирелә торған 100 мең һум аҡсаға дәғүә итергә мөмкин. Тик ғаилә ете һәм унан күберәк бала алған осраҡта ғына.

Бынан тыш, инвалид, етем балаларҙы тәрбиәгә алыусылар ҙа наградаға хоҡуҡлы.

Указ ҡул ҡуйған көндән көсөнә инде.

"Башинформ".