«Рәсәй-Ҡаҙағстан» форумында төрлө бизнес-идеялар тыуа

Сарала Ҡаҙағстандан һәм Рәсәйҙең төрлө төбәктәренән килгән йәш бизнесмендар ҡатнаша. Улар үҙҙәренең пландары тураһында һөйләй, үҙ-ара хеҙмәттәшлек итеү мөмкинлеген тикшерә.

Мәҫәлән, Волгоград өлкәһенән килгән йәш эшҡыуар, Болат Мырҙағәлиев хәҙер ике проект өҫтөндә эшләй. Беренсеһе – балалар өсөн өҫтәмә белем биреү, ә икенсеһе ҡыйыҡ, фасад һәм ҡоймалар өсөн материалдар әҙерләү менән бәйле.

Сессиялар конструктив рәүештә үтеп тора. Һәр ҡатнашыусы фекерҙәре менән алыша һәм үҙенә лә файҙалы кәңәштәр таба.