Шоңҡар
+29 °С
Ясна
Бөтә яңылыҡтар
Шәхес
17 Июль 2023, 13:14

Ветеранға - 100 йәш

Сталинградҡа йәйәү барған, Донды аша сыҡҡан, ҡаты алыштарҙың береһендә аяғы яраланған, башына ла бомба ярсығы тейгән...

Ветеранға - 100 йәш
Ветеранға - 100 йәш

Фәтхулла Әһлиулла улы Юламанов бер быуатлыҡ юбилейын билдәләне. Был хаҡта Хәйбулла районы хакимиәте башлығы Рөстәм Шәрипов хәбәр итте.

Фәтхулла Әһлиулла улы 1923 йылдың 15 июлендә Аҡъяр ауылында күп балалы ғаиләлә тыуған. 1942 йылдың 5 мартында фронтҡа алынған. Сталинградҡа йәйәү барған, Донды аша сыҡҡан, ҡаты алыштарҙың береһендә аяғы яраланған, башына ла бомба ярсығы тейгән. Оҙаҡ ҡына госпиталдә дауаланған. Тыуған Аҡъярына ул 1954 йылда ғына ҡайтҡан. Ошо уҡ йылда Гәүһәр Абдулла ҡыҙы менән ғаилә ғорған. Улар 58 йыл бергә татыу ғүмер кисергән, биш бала тәрбиәләп үҫтергән. Бөгөн ветерандың һигеҙ ейәне һәм биш бүләһе бар. Хаҡлы ялға тиклем Фәтхулла Әһлиулла улы ауыл хужалығы тармағында эшләгән.

«Беҙҙең юбилярға рух ныҡлығы, оптимизм, алсаҡлыҡ һәм ауырлыҡтарға сыҙамлылыҡ хас. Ҡаты һуғыш һәм һуғыштан һуңғы йылдар уны сыныҡтырған, ғүмерен һәм һаулығын ҡәҙерләргә өйрәткән. Әйткәндәй, Фәтхулла Әғлиулла улы — Хәйбулла районының иң өлкән кешеһе, — тип яҙҙы район башлығы. — Илебеҙҙең именлегенә баһалап бөткөһөҙ өлөш индергәнегеҙ өсөн ихлас күңелдән рәхмәт белдерәм. Ныҡлы һаулыҡ, яҡшы кәйеф, рух күтәренкелеге, тағы ла оҙон-оҙаҡ йылдар яҡындарығыҙ менән бәхетле ғүмер итеүегеҙҙе теләйем!»
Автор:
Читайте нас: